Nënkryetari i Kuvendit Enver Hoxhaj ka njoftuar se ka vizituar familjen e ish-kryetarit të PDK’së Kadri Veseli.
Hoxhaj, përmes një statusi në Facebook, tha se Veseli do të dalë fitimtar në këtë betejë me padrejtësinë.
“Për vizitë tek Ismet Veseli dhe familja e Kryetarit Veseli, me rastin e festës së Bajramit. Një familje e fortë që inspiroi dhe nxori Kadriun si atdhetar të madh. Edhe për këtë festë, Kadri Veseli nuk është pranë familjes dhe atdheut, por si shumëherë, ai do të dalë fitimtar edhe në këtë betejë me padrejtësinë dhe do të kthehet në Kosovë, si njeriu që e do dhe mbron vendin e tij!”, ka shkruar ai derisa ka shpërndarë një fotografi me familjen Veseli.
Enver Hoxhaj gjatë ditës së sotme ka treguar se për nder të festës së Bajramit, ka vizituar edhe prindërit e ish-Presidentit Hashim Thaçi.
