Edicioni i 28-të i Festivalit të Filmit në Sarajevë fillon me ceremoninë e hapjes me yje të shumtë nga e gjithë bota dhe rajoni që do të ecin në tapetin e kuq.
Festivalin e Filmit në Sarajevë ndër vite e kanë vizituar shumë yje të famshëm, ndërsa më poshtë po ju paraqesim emrat më të rëndësishëm që kanë kaluar në tapetin e kuq në Sarajevë gjatë viteve të fundit.
https://www.youtube.com/watch?v=81-9-XU5MTY
Morgan Freeman
I ftuar nderi në edicionin e 16-të të Festivalit në 2010 ishte fituesi i ‘Oscar’, Morgan Freeman.
Për nder të tij, Festivali organizoi një shfaqje gala të produksionit të tij “Invictus”.
Angelina Jolie dhe Brad Pitt
Një vit më vonë, bashkëshortët e atëhershëm, Angelina Jolie dhe Brad Pitt, ishin të ftuarit e nderit në Festivalin e Filmit në Sarajevë.
Jolie nuk i mbajti dot lotët teksa u nderua me një çmim, të cilin ia dha drejtori i atëhershëm i festivalit, Miro Purivatra, gjatë një ceremonie në Teatrin Kombëtar.
Orlando Bloom
Sarajevën gjatë SFF-së e ka vizituar edhe aktori i njohur, Orlando Bloom. Si pjesë e vizitës së tyre në Festivalin e Filmit të Sarajevës, Bloom dhe të ftuarit vizituan disa nga vendet e festivalit dhe u gëzuan nga shoqërimi me menaxhmentin e këtij evenimenti.
Mickey Rourke
Ylli kryesor i SFF-së së 15-të në 2009 ishte Mickey Rourke. Ai u prezantua para publikut të festivalit natën e fundit të SFF në shfaqjen e filmit “The Ërestler”. Ai erdhi në Sarajevë së bashku me regjisorin e filmit, Darren Aronofsky, për të cilin ishte vizita e tij e dytë në këtë vend.
Robert De Niro
Aktori, regjisori dhe producenti Robert De Niro, dy herë fitues i ‘Oscar’, hapi edicionin e 22-të të SFF në 2016.
Benicio Del Toro
Benicio Del Toro, fitues i një çmimi në këtë festival, ka qenë pjesëmarrës në vitin 2015.
“Është një nder të jem në Sarajevë”, kishte thënë ai në një deklaratë para mediave.
Daniel Craig
Aktori i njohur Daniel Craig ka vizituar Festivalin e Filmit të Sarajevës në vitin 2005. Një nga aktorët britanikë më të kërkuar u prezantua para publikut të Sarajevës me filmin “Layer Cake” me regji të Mattheë Vaughn, në të cilin ai luajti rolin kryesor.
Gerard Depardieu, John Cleese, Kevin Spacey, Gillian Anderson dhe shumë të tjerë vizituan gjithashtu SFF.
