Në ditën e pavarësisë së Shqipërisë, Adi Krasta merr nënshtetësinë kosovare

Gazetari dhe moderatori i njohur Adi Krasta ka marrë nënshtetësinë e shqiptarit të Kosovës.

Pak më parë në një postim në rrjetet sociale, gazetari ka publikuar një foto të pasaportës së tij nga Republika e Kosovës.

Këto foto ai i shoqëron me një foto të flamurit të Shqipërisë dhe një zemër të kuqe. Kujtojmë që rreth një vitë më parë Krasta në një intervistë kishte shprehur dëshirën për t’u pajisur me pasaportën e Kosovës.

“Nuk di kujt t’ia kërkoj pasaportën e Kosovës, me shumë krenari do ta merrja bashkë me familjen,” tha ai në një intervistë në dhjetor të 2021, dëshirë tashmë e plotësuar për gazetarin.