Ashtu sikurse të gjithë e dimë, çdokush në këtë botë bën gabime të vazhdueshme. Këto gabime i bëjmë gjithandej. Gabojmë në familje, në shoqëri, në punë, etj.
Po si ndikojnë këto gabime në karrierën tonë? A janë këto gabime gjithmonë të ndreqshme apo dëmi i tyre është aq i madh sa rrezikojmë të mbesim ndoshta pa një punë, e jo më pa një karrierë?
Telegrafi ju sjell katër gabimet që bëhen në karrierën profesionale.
Gabimet nuk janë gjithmonë të gabuara
Kjo është një fjali paradoksale në vetvete, por që ka një mesazh të rëndësishëm. Gabimet nuk janë gjithmonë të gabuara, nëse ato na mësojnë diçka. Nëse një gabim vlen si një mësim e nuk përsëritet më ai nuk quhet një gabim por një eksperiencë. Këto lloj gabimesh kanë një ndikim pozitiv në karrierën tuaj.
