Pas disa minutave ndërprerje ka rinisur përballja Romani-Kosovë, e cila u ndërpre në gjysmë si pasojë e thirrjeve dhe shpalosjes së banerit nacionalist me mbishkrimin ‘Kosova është Serbi’ nga tifozët rumun.
Futbollistët e Kosovës u fishkëllyen nga tifozët romunë gjatë momentit kur dolën në fushë për herë të dytë gjatë pjesës së parë.
Nga ana tjetër, lojtarët romunë nuk u shfaqën së bashku me dardanët, teksa daljen e tyre të dytë për sot në fushë e bën pas disa sekonda.
Po ashtu, tifozët që shfaqën banderolën skandaloze ku shkruhej “Kosova është Serbi”, janë larguar komplet nga stadiumi.
Pjesa tjetër e tifozëve që janë në stadium, u paralajmërua disa herë se provokimi i radhës, i diskualifikon romunët nga kjo ndeshje.
Ndeshja u ndërpre në minutën e ’17-të, ndërsa rinisi pas rreth 30 minuta ndërprerje.
