Ministri i Infrastrukturës, Liburn Aliu javë më parë deklaroi se “Kosova është shtet i përkohshëm”, duke aluduar në bashkimin me Shqipërinë. Kjo deklaratë duke se nuk është mirëpritur as nga ministri i Bujqësisë, Liburn Aliu.
Peci ka kërkuar distancimin e të gjithëve nga kjo deklarate, madje thotë se nuk duhet të jetë opsion ideja e lëre më deklarimi publik në të cilin thuhet se Kosova është shtet i përkohshëm.
“Republika e Kosovës është fitorja më e madhe e kombit shqiptar dhe në baza ditore si ministër punoj me krejt potencialin dhe energjinë që e kam që Kosova të jetë shtet i përhershëm, i zhvilluar, në shërbim të ekonomisë dhe mirëqenies qytetare”.
“Është projekt në të cilin besoj se të gjithë ne ia kemi borxh gjithë atyre gjeneratave të tëra dhe të gjithë atyre që e kanë dhënë jetën për Kosovën që ta shndërrojmë në një shtet funksional, demokratik dhe të përhershëm”, tha Peci në Klan Kosova përcjell Insajderi.
Ministri theksoi se reagimin e njëjtë do ta kishte ndaj secilit që do të lëshonte një deklaratë të tillë.
Ai shprehet se kushdo që e sheh projektin e shtetësisë së Kosovës si të përkohshëm, bën gabim kardinal.
“Jo vetëm ndaj ministrit Aliu, por ndaj çdo kujt që e sheh projektin e shtetësisë së Kosovës si të përkohshëm, bën gabim kardinal dhe i bën dëm shumë të madh Kosovës në arenën ndërkombëtare në proces të konsolidimit dhe proceseve integruese që është e rëndësisë së veçantë.
“Kosova është shtet i përhershëm dhe integrimi i saj në mekanizmat evropian dhe euroatlantik është i rëndësisë së veçantë jetike. Deklarata të tilla e dëmtojnë dhe janë të dëmshme e duhet pasur distancim prej të gjithëve”, tha Peci.
Ministri i Bujqësisë kërkoi distancimin e të gjithëve nga deklarata e ministrit Liburn Aliu.
