U mbyt pasi shpëtoi turistët në Liqenin e Shkodrës, vijojnë kërkimet për kapitenin

Kërkimet për trupin e kapitenit të anijes turistike, Arben Anamali, vijojnë në liqenin e Shkodrës, pas tragjedisë që ndodhi ditën e martë. Anamali humbi jetën duke shpëtuar dy turistë të huaj që rrezikonin të mbyteshin në Liqenin e Shkodrës.

Polumbarët e Forcës së Posaçme të Ndërhyrjes (FNSH) dhe punonjës të bashkisë Shkodër janë angazhuar në gjetjen e trupit të tij, ndërkohë që familja dhe të afërmit po kalojnë momente të vështira pas këtij akti heroik që u kthye në një tragjedi.

Ky veprim i guximshëm e ka lënë të tronditur komunitetin, dhe Arben Anamali do të kujtohet si një njeri i guximshëm dhe i sakrifikuar për jetën e të tjerëve.