Përshëndetje zonja magjistare.
Jam një gura 37 vjeçare, kam një fëmijë, jam e punësuar, por për momentin si të gjithë edhe unë po e kaloj kohën në shtëpi.
Unë kam një hall me një përson që gjithashtu është i martuar dhe e di se është nga rrethi im i punës. Ai më shkruan shumë gjatë kësaj kohe derisa po qëndrojmë në shtëpi duke mos e përfillur kërkesën time që të mos më shkruajë pasi që më rrezikohet bashkëshortësia.
Sa kemi qenë në punë, nuk më ka shkruar kaq shumë, por tani nuk din të ndalet. Nuk di si të veprojë, sepse nuk kemi ku të shkojmë përtej shtëpisë. Aq më keq, ai po më akuzon se po dal me dikë tjetër, çka nuk është e vërtetë!
Më ndihmo ta ndaloj që të mos më shkruaj kaq shumë.” dielli pranveror”.
Përgjigje
Që nga mbyllja në shtëpi, si pasojë e koronavirusit, janë rritur edhe problemet nëpër familje dhe ka të dhëna të rritjes së dhunës në familje.
Bashkëshortët ,zakonisht janë mësuar ta kalojnë shumicën e kohës në punë dhe në rrethe të caktuara shoqërore,duke maskuar ndejën me të dashura, me gjoja punën e madhe dhe të rëndë.
Tani që gjërat kanë ndryshuar, në aspektin e rritjes së kujdesit shëndetësor, zemra dhe shpirtrat janë po ato që kanë qenë më parë, bile duke ndejtur në shtëpi, vetëm sa janë edhe më temperamente.
Në rastin tuaj zonjë e nderuar, ju e njihni personin që po iu shkruan , sepse nuk po iu shkruan prej dje as prej pardje por me vite të tëra.Të paktën është një lidhje 8 vjeçare që ka lëshuar shumë rrënjë tek ju. Prandaj edhe sikur të mos iu shkruante ai, unë besoj se ti njejtë do t’i shkruaje atij.
Nuk është mirë që po të shkruan në këtë kohë pandemie derisa je me burrin, por mirë do të ishte sikur ai të të mos shkruante fare.
Të preferoj t’i kthehesh jetës familjare , sepse diku kah fundi i këtij muaji mund të zbulohesh dhe të kuptohet gjithcka që ka ndodhur mes jush qe sa e sa vite.
