Tash kur ka filluar vaksinimi kundër COVID-19 në çdo vend të botës, është një pyetje që shumë njerëz po e shtrojnë pas vaksinimit. A mund të dhurojë gjak pasi ta marr vaksinën antiCOVID?, është pyetja që ekspertët amerikanë dhe jo vetëm i kanë dhënë përgjigje.
Dhënia e gjakut është një veprim shumë human dhe që mund të shpëtojë jetë. Por dhënia e gjakut gjatë pandemisë COVID-19 ngre disa pyetje të rëndësishme, përfshirë nëse është në rregull të dhurosh pasi të marrësh vaksinën kundër COVID-19.
Sipas Kryqit të Kuq Amerikan, dhurimi i gjakut pas vaksinimit mund të bëhet pa problem dhe është shumë vendim human e i mirë.
Mirëpo sipas po të njëjtit Kryq të Kuq, duhet pasur gjithmonë disa gjëra në mendje:
Kur të hyni për të dhuruar gjak fillimisht duhet të tregoni se jeni të vaksinuar kundër COVID-19 dhe më pas tregoni emrin e prodhuesit të vaksinës që keni marrë.
Në rast se dëshironi të jepni gjak, nuk ka rregull për periudhë të pritjes pasi të merrni vaksinën COVID-19, për sa kohë që ndiheni mirë, transmeton Metro.
Kryqi i Kuq Amerikan në mënyrë specifike thotë që ju mund të dhuroni gjak kur të doni pasi të merrni një vaksinë të bërë nga AstraZeneca, Johnson & Johnson, Moderna, Novavax ose Pfizer.
Mirëpo sipas ekspertëve amerikanë, nëse keni efekte anësore nga vaksina kundër COVID-19, assesi nuk duhet të jepni gjak, pasi gjatë kësaj kohe ju duhet të ndjeheni mirë.
