Kryetari i LDK’së, Lumir Abdixhiku, ka takuar Renea Morinën, vajzën e cila nisi të pikturoj xhama për t’i dalë në ndihmë nënës së saj vetushqyese.
Abdixhiku ka njoftuar se Renea ka zbukuruar zyret e LDK’së.
“Së bashku me Jehonën, këtë vikend, Renean dhe nënën e saj Rajmondën, e ftuam në LDK. E ftuam jo vetëm për t’i zbukuruar zyret tona, por për t’i dhënë kësaj artisteje të re sa më shumë zë e shtytje në ndjekjen e ëndërrave të bukura që i ka përpara.”
Ai tha se Renea përveç se ishte një vajzë e mrekullueshme dhe e sjellshme, kishte dhe talent të paparë.
“U kënaqëm me Erën e Rozin teksa shihnim se si vijat e tyre të bardha, shpejtë u shndërruan në panoramë fundviti të cilën do ta shohim çdo ditë këto ditë.”
Abdixhiku ka bërë ftesë për përkrahjen e artistes së re.
“Shpërndajeni. Le ta përkrahim këtë artiste të re në rrugëtimin magjik që i ka vënë vetes përpara. Atë mund ta kontaktoni në llogarinë e saj në instagram: renea.artist”, ka shkruar ai.
https://www.facebook.com/abdixhiku/posts/10160176197342759?ref=embed_post
