Adelina Spahija feston ditëlindjen mes urimesh e suksesesh, shkëlqen si asnjëherë tjetër

Sot është një ditë e veçantë për këngëtaren e njohur Adelina Spahija, e cila feston ditëlindjen e saj.

Artistja ka marrë një lumë urimesh nga miq, kolegë dhe fansa, të cilët e kanë përgëzuar për këtë ditë të veçantë dhe i kanë dëshiruar suksese të pandalshme në karrierë dhe jetën personale.

Adelina, e cila prej vitesh është një emër i dashur për publikun shqiptar, së fundmi ka publikuar edhe projektin e saj më të ri muzikor me titull “Si Arabe”, në bashkëpunim me këngëtarin Abujar Mustafa.

Kënga është pritur mirë nga publiku dhe është komentuar pozitivisht si për ritmet orientale, ashtu edhe për videoklipin atraktiv.

Përveç zërit dhe projekteve të saj të vazhdueshme, Adelina vazhdon të tërheqë vëmendje edhe për paraqitjet e saj elegante.