Modelja shqiptare, Adrola Dushi, ishte e ftuar në një intervistë së fundmi ku rrëfeu gjithçka mbi jetën e saj, që nga fëmijëria e deri të vështirësitë e të qenit nënë e vetme.
Adrola ka treguar se është e dashuruar me Shqipërinë dhe ajo ka thënë se është vendi që ka njerëz shumë të sinqertë.
“Unë e dua këtë vend, më duket vendi që ka njerëz shumë të sinqertë. Fëmijëria ime ka qenë shumë e bukur, shumë e lumtur, si gjithë shqiptarët besoj në kohët tonë”, tha ajo.
“Nuk është se kishim shumë lodra, por kishim shumë dashuri, shumë sakrifica, por shumë lumturi brenda vetës sonë”.
Modelja ka treguar edhe për vështirësitë e të qenit nënë e vetme, teksa ka thënë se gjëja e parë që të mungon të fëmija jotë është figura mashkullore që është shumë e rëndësishme.
“Patjetër që po, në çdo aspekt. E para të mungon te fëmija jot figura mashkullore, që është shumë e rëndësishme”, u shpreh Adrola.
“Absolutisht që Troi e kërkon, sepse me kë të rrijë ai? Rri me mua, me kushërirat e veta, me shoqet e mia. Fëmija e do praninë mashkullore në jetën e vet”.
Së fundmi, Adrolen e kemi parë në videoklipin e këngëtarit – Capital T në këngën “C’est la vie’, ndërsa ajo ka treguar edhe për ftesat tjera që i janë bërë për të marr pjesë në videoklipe.
“Uh, sa herë kam thënë jo, u kam thënë të gjithëve. Nuk kam dëshirë të bëhem e hidhur, sepse refuzimet nuk i do askush”.
“Nuk besoj se i kanë marrë për keq, sepse e kanë marrë vesh që nuk kam pas asgjë me këngëtarin apo personin, thjesht nuk kam dashur të jem pjesë e klipeve”, tha ajo.
