Aksidenti në Drenas, dy persona mbesin të lënduar

Sonte rreth orës 20:30 ka ndodhur një aksident mes dy veturave në fshatin Poklek të Drenasit.

Rastin e ka konfirmuar zëdhënësja e policisë për rajonin e Prishtinës, Flora Ahmeti.

Ajo tha se si pasojë e aksidentit, dy persona kanë pësuar lëndime trupore.

“Sot rreth orës 20:30 kemi pranuar informatën se në fshatin Poklek të Drenasit, ka ndodhur një aksident trafiku. Në këtë aksident kanë qenë të përfshira 2 automjete. Si pasojë e aksidentit lëndime trupore kanë pësuar dy persona. Me rastin po merret hetuesia nga njësiti i trafikut rrugor”.