Heather Graham është e lumtur me vendimin e saj për të mos pasur fëmijë.
Në një intervistë për revistën People, aktorja 53-vjeçare u shpreh për zgjedhjen e saj dhe shpjegoi se të kishte fëmijë nuk ishte menduar për të.
“Unë mendoj se ne të gjithë kemi rrugë të ndryshme”, tha ajo për median.
“Thjesht duhet të përqafosh atë që je. Nëse, në një farë mënyre, do të kisha pasur fëmijë, jam e sigurt se do të ishte mirë. Por për momentin, duke mos pasur fëmijë, ndihem e lirë. Dhe unë fle shumë. Kjo është shumë mirë”.
“Tani, gratë po bëhen më të lira për të bërë zgjedhjet e tyre”, theksoi mes tjerash artistja e famshme.
Graham, e cila gjithashtu nuk ka qenë kurrë e martuar, beson, “Nëse dëshironi të keni fëmijë, ju keni fëmijë”. Nëse jo, vëren ajo, “universi ju jep dikë ose diçka për të ushqyer”.
Edhe pse aktorja e ka pasur gjithmonë prioritet karrierën e saj, ajo tha se herë pas here ndjen keqardhje për vendimet që ka marrë në të kaluarën.
