“Tension” është emisioni më i ri në T7, i cili pritet të nis së shpejti.
Ky emision është një format i intervistave ekskluzive, rrëfimeve të pa treguar më herët, dhe mbi të gjitha, që do të shoqërohen me shumë tension.
Por, jo vetëm kaq. “Tension” do të jetë arena e përballjes së personazheve të njohura publike që kanë mes vete një raport jo të mirë, një histori nga e kaluara dhe diçka të pazgjidhur.
Do të mund të shihni bashkë në një tavolinë personalitete që mbase mund të keni menduar se nuk do t’i shihni asnjëherë afër njëri-tjetrit.
Të ftuarit do t’i përkasin profileve të ndryshme.
Ndryshe, “Tension” rikthen Amir Mjekun me një emision televiziv pas një pauze dy-vjeçare, pas formatit shumë të suksesshëm “Talk” përgjatë shtatë vjetëve.
