Ariana Musliu- Shoshi përkujton 27-vjetorin e betejës së Likoshanit dhe Qirezit

Sot, deputetja e Kuvendit të Kosovës, Ariana Musliu-Shoshi, ka përkujtuar 27 vjetorin e betejës së 28 shkurtit 1998, në Likoshan dhe Qirez, ku forcat serbe kryen masakra ndaj civilëve të pafajshëm.

Ajo theksoi se kjo betejë shënoi fillimin e luftës për liri dhe sakrificën e madhe të atyre që dhanë jetën për çlirimin e Kosovës.

Musliu-Shoshi nderoi familjet Rexhepi, Sejdiu, Ahmeti, Nebihu, Xheli, Rama dhe Behrami, të cilat qëndruan krenare për bijtë dhe bijat e tyre, të cilët u bënë themel i lirisë së Kosovës.

“Lavdi jetës dhe veprës së tyre!” – përfundoi Musliu-Shoshi.