Insajderi ka publikuar video inqizime se si logopedi nga Gjilani Iljasa Fazliu abuzon psiqikisht me një vajzë të mitur në ordinancën e tij e cila është me autizëm.
Nga burime të sigurta Insajderi mëson se familjarët e vajzës u konfrontuan fizikisht me logopedin, kësisoj u arrestuan nga policia.
Babai dhe mixha i 5 vjeçares me autizëm kanë rrahur mbrëmë logopedin Iljasa Fazliu. Ata ishin informuar se vajza abuzohej nga logopedi. Kishin incizuar sjelljen e tij. Kur ishin bindur se sjellja e logopedit ishte abuzive kishin shkuar në klinikën e tij. E kishin sulmuar fizikisht
Në video dëgjihet Fazliu teksa e shan dhe i bërtet pa pushim të miturës e cila qan gjatë gjithë kohës.
Burime të Insajderit bëjnë me dije se e mitura ishte në seancën e pestë dje. Familjarët pasi e kishin kuptuar trajtimin që doktori po i bënte vajzës ishin nisur për ta taktuar.
Burime të Insajderit thanë se ku ata u takuan në rrugë doktori u mundua të largohej akoma pa filluar bisedimi, kjo me pretekstin se ka takim urgjent. Ngjarja kishte kalaur në konfrontim fizik ku sipas këtyre burimeve u arrestuan babai i vajzës bashkë me vëllaun e tij.
Pas verifikimit të videove, në orën 00:50 policia kishte arrestuar edhe logopedin, Iljasa Fazliu nën dyshimet se ka kryer veprën trajtim i pandërgjegjshëm mjekësor.