72
Policia e Kosovës ka njoftuar se ka arrestuar tre persona në Drenas për vrasje në tentativë.
Sipas policisë, rasti ka ndodhur ditën e djeshme rreth orës 21:30, raporton gazeta online Reporteri.net.
“Gllogoc 06.06.2023 – 21:30. Janë arrestuar tre të dyshuar meshkuj kosovarë nën dyshimin se i kanë therur me thikë dy viktimat meshkuj kosovarë”, thuhet në njoftim të policisë.
Sipas policisë, njësitet relevante policore kanë dal në vendin e ngjarjes ku kanë gjetur dhe sekuestruar një thikë e cila dyshohet se është përdorur në rast dhe një telefon.
Viktimat janë dërguar për tretman mjekësor në QKUK. Me vendim të prokurorit të dyshuarit janë dërguar në mbajtje.
