Deputeti i Listës Guxo, Haxhi Avdyli ka folur për shkarkimin e bordit të Radio Televizionit të Kosovës.
Avdyli në DPT te Fidani në T7 ka thënë se shikueshmëria e televizionit publik është përtokë, duke shtuar se në këtë televizion përveç futbollit nuk shikohet asgjë tjetër.
“Çdo qytetar kur e lëshon RTK-në…shikueshmëria është përtokë, përveç futbollit që e kqyrim në RTK. E dimë që RTK-ja ka qenë vatër për punësimin e balldëzkave, vajzave të tezës e personave që janë të lidhur me politikën”, tha Avdyli.
Ai shtoi se ndihet krenar që mori pjesë në këtë votim.
“Edhe ky është një veprim që ndihem krenar që jam pjesë e pozitës. Do të jemi maksimalisht të kujdesshëm të kemi njerëz profesionistë”, shtoi Avdyli.
Kuvendi i Kosovës ka votuar sot pro shkarkimit të Bordit të Radio Televizionit të Kosovës.
