Bebe Rexha mori vëmendje së fundmi pasi është shfaqur me stil si të viteve të 70- ta.
33 vjeçarja kishte veshur një kostum ngjyrë vjollce të thellë me një hark në bel, shkruan DailyMail.
Bukuroshja me origjinë shqiptare i kishte lënë flokët e saj bionde në një stil të hapur voluminoz, duke marrë kështu një pamje mjaft dramatike.
E diela do të jetë një prej mbrëmjeve më të rëndësishme në karrierën e Bebe Rexhës.
Kjo pasi ajo potencialisht mund të fitojë një prej çmimeve më të rëndësishme në karrierën e saj, atë të “Grammy”-t.
Ajo është nominuar për çmimin “Kënga më e mirë ritmike/elektronike” për bashkëpunimin e saj shumë të suksesshëm me David Guettan, “I’m Good (Blue)”. /Telegrafi/
