Behgjet Pacolli e uron dikë tjetër në vend të kancelares gjermane

Pacolli ia huq keq me Merkelin derisa provon t’ia urojë ditëlindjen

Ish-ministri i Punëve të Jashtme të Kosovës dhe kreu i AKR-së, Behgjet Pacolli, ka provuar sot që t’ia urojë ditëlindjen kancelares gjermane, Angela Merkel.

Por Pacolli ia ka huqur keq.

Ai në llogarinë e tij në Twitter e ka bërë ‘tagg’ një llogari false në emër të kancelares gjermane, duke qenë se vetë Merkel s’ka llogari zyrtare.

Urimin Pacolli ishte munduar që ta shkruante në gjuhën gjermane, megjithatë nuk i ka arritur në adresën e duhur.