Reperja e njohur Cardi B ka reaguar ashpër ndaj ish-bashkëshortit të saj Offset, pas raportimeve nga TMZ Hip Hop se ai ka kërkuar kujdestari të përbashkët për fëmijët dhe mbështetje financiare nga ajo.
Në një hapësirë të drejtpërdrejtë në “X Spaces” të premten, Cardi shpërtheu në zemërim duke thënë se “do t’ia shkatërroj jetën” Offset-it – dhe madje u shpreh se shpreson të vdesë ngadalë në një shtrat, i përndjekur nga kujtimet e gruas që la pas.
Cardi B theksoi se nuk ka kërkuar kurrë para nga Offset, dhe as nuk e ka ndaluar të shohë fëmijët, por sipas saj, ai i ka zhgënjyer shpesh duke mos u paraqitur kur fëmijët e prisnin.
Në të njëjtin reagim emocional, reperja zbuloi për herë të parë se vajza e tyre e vogël quhet Blossom – një fëmijë që, sipas saj, Offset e ka parë vetëm rreth pesë herë që nga lindja në shtator të vitit 2024.
Cardi gjithashtu shtoi se Offset ka refuzuar të udhëtojë drejt Nju Jorkut për të takuar fëmijët, me justifikimin se nuk do të qëndrojë në një dhomë hoteli vetëm për ta parë ata – megjithëse ajo ka bërë përpjekje të mëdha për t’ia lehtësuar vizitat.
Nga ana tjetër, burime pranë Offset kanë deklaruar për “The Breakfast Club” se ai ka ndërmarrë këtë veprim ligjor për shkak se Cardi nuk po sillej drejt në lidhje me kohën e vizitave, ndërkohë që po përpiqej ta “pastrojë” financiarisht.
Në mes të gjithë këtij tensioni, Cardi B ka deklaruar gjithashtu se është më e vendosur se kurrë për të përfunduar albumin e saj të shumëpritur, i cili është vonuar për më shumë se 5 vjet – duke thënë se: Offset më ka acaruar përfundimisht!
Për momentin, përfaqësuesit e Offset kanë refuzuar të komentojnë mbi deklaratat e Cardi B.
