Dyshja Mozzik dhe Getinjo janë dy nga artistët më të preferuar të publikut shqiptar pas hiteve që lançojnë vazhdimisht.
Së fundmi, Mozzik ka paralajmëruar se do publikojë albumin e ri muzikor me titull “Lambozzik” në datën 14 shkurt, ditën e të dashuruarve. Ndër të tjera, ai tha se pjesë e albumit do të ishte edhe një videoklip në bashkëpunim me vëllain e tij, Getinjon.
Teksa xhirimet e klipit po realizohen në Zvicër, atyre u ka ndodhur një incident i papritur.
Ata janë ndërprerë nga policia zvicerane, e cila ka bërë kontroll në makinat luksoze që ishin pjesë e xhirimeve të videoklipit të reperave.
Ky aksion i policisë u përcoll edhe nga televizioni e mediat zvicerane, ku Mozzik e videoklipi i tij u bë kryefjalë në edicionin e lajmeve.
Ndërkohë, edhe vetë Mozzik dhe Getinjo e kanë bërë të ditur incidentin në rrjetet e tyre sociale, ku kanë ndarë pjesë nga momenti i kontrollit të policisë si dhe transmetimin në media të lajmit.
