Lista Serbe sot ka dorëzuar mandatet e deputetëve në Kuvendin e Kosovës.
Në faqen zyrtare të Kuvendit të Kosovës në Facebook janë publikuar shkresat e dorëheqjeve të deputetëve të Listës serbe.
Lista Serbe, partia më e madhe e serbëve të Kosovës që ka 10 deputetë në Kuvendin e Kosovës vendosi që të largohet nga institucionet qendrore të Kosovës si dhe nga komunat në veri të vendit.
Këtë vendim lista Srpska e mori pas vendimit të autoriteteve të Kosovës për suspendimin e drejtorit të Policisë së Kosovës për rajonin e veriut, Nenad Gjuriq. Ky i fundit u suspendua pasi refuzoi të zbatojë vendimin e Qeverisë së Kosovës për riregjistrimin e makinave që kanë targa të lëshuara nga Serbia në ato të Republikës së Kosovës.
Ndërkaq, dje në Mitrovicë të Veriut u mblodhën qytetarët serbë, të cilët kërkuan tërheqjen e vendimit për targat dhe krijimin e asociacionit.
https://www.facebook.com/kuvendi.skupstina/posts/503964731774512
