Hugh Jackman dhe Deborra-Lee Furness kanë finalizuar divorcin e tyre.
Furness paraqiti kërkesë për divorc nga ylli i “Deadpool & Wolverine” më 23 maj. Sipas të dhënave gjyqësore nga Gjykata Supreme e Qarkut Suffolk të Nju Jorkut, divorci u dha më 3 qershor.
Lajmi për divorcin vjen dy vjet pasi Jackman dhe Furness njoftuan në shtator 2023 se po ndaheshin pas 27 vitesh martesë.
Ish-çifti ndau një deklaratë të përbashkët në lidhje me ndarjen e tyre në atë kohë, duke thënë se “udhëtimi i tyre tani po ndryshon” dhe se ata kanë vendosur të ndahen për të ndjekur rritjen individuale.
Ata u zotuan ta vinin familjen e tyre në vend të parë dhe të nisnin kapitullin e tyre të ardhshëm “me mirënjohje, dashuri dhe mirësi”.
Në atë kohë, Jackman dhe Furness sapo kishin festuar përvjetorin e 27-të të martesës.
Dyshja u martua në prill të vitit 1996, pasi u takuan një vit më parë në sheshxhirimin e serialit televiziv australian “Corelli”.
Ata kanë dy fëmijë, djalin Oscar Maximilian Jackman dhe vajzën Ava Eliot Jackman.
