Nënkryetarja e PDK-së, Vlora Çitaku ka deklaruar se pa ia hequr asnjë pikë e asnjë presje, kryeministri Albin Kurti qenka dakorduar për planin e zbatimit të marrëveshjes për energji të arritur në Bruksel më 2015.
Ish-ambasadorja e Kosovës në ShBA theksoi se po të njëjtën marrëveshje, Kurti atëbotë e konsideronte tradhti kombëtare.
Sipas saj, e vetmja gjë konsistente te Kurti është mungesa e konsistencës.
Ajo madje tha se kryeministri ua ka borxh votuesve të tij një sqarim; “a e ka pasur gabim atëherë, apo e ka gabim tash?”.
“Kryeministri është shndërruar në noter të marrëveshjeve paraprake, duke e kthyer procesin mbrapa, e duke humbur kohë”, shkroi ajo në Facebook.
https://www.facebook.com/permalink.php?story_fbid=pfbid027JAWonZDWwG879XukRjLwfboJThADNeSfMvSyyuDXAMPKwiGLgHEWpFLaAKJzgMVl&id=100079527735092&__cft__[0]=AZWv4GBD0gLm8w8mo0uGaM1enXmYezYbz43PUCzNwiXZlYfg4BAmuWddcQ83EFLQ_Axeyipth1bS2Kr7zHkiuXX9kbqp1E4HT0Xwj4TWraIVCi7xjSDXNCo12OXfFvV4Afo19jOnX_YHxQ1kXQBWhU1A&__tn__=%2CO%2CP-R
