Darkës Rama-Vuçiq iu bashkua edhe Alex Soros

Darka mes kryeministrit Edi Rama dhe presidentit serb, Aleksandër Vuçiq ka zgjatur më shumë se koha e parashikuar fillimisht në agjendë.

Euronews Albania ka bërë me dije se tryezës së dy delegacioneve i është bashkuar dhe Alex Soros.

Rama ka shkuar në Serbi në kuadër të turit të tij ballkanik si parapërgatitje për Procesin e Berlinit.

Në qendër të bisedimeve me presidentin Vuçiq, siç u bë me dije dhe gjatë konferencës së përbashkët mes tyre ishte situata me Kosovën dhe tensionet në veri, si dhe nisma Ballkani i Hapur.