Këngëtarja shqiptare me renome botërore, Dua Lipa, prej vitesh është bërë pjesë e markës së famshme, Puma.
Partneriteti i tyre tashmë po shkon në një nivel tjetër meqenëse është edhe ambasadore e këtij brendi të madh.
Fituesja e çmimeve ‘Grammy’ dhe Puma tani po nxjerrin një koleksion të titulluar shqip “Flutur”.
Koleksioni, i frymëzuar nga vitet ’90, thuhet se do të përfshijë katër pjesë në stilet e veshjeve dhe këpucëve dhe përmban një logo të re që kombinon logon e Pumas me një flutur.
“Dua dhe Puma. Koleksioni Flutur do të dalë më 18 dhjetor”, thuhet në një postim të Lipës.
Këto duket se janë një pjesë e koleksionit të plotë të kapsulës që Lipa dhe Puma po planifikojnë ta publikojnë vitin e ardhshëm.
Përveç të arriturave në fusha të tjera, Dua edhe këtë vit korri suksese të mëdha në muzikë.
Ajo solli këngë e bashkëpunime që u pritën shumë mirë dhe grumbulluan miliona në platformat e ndryshme muzikore.
View this post on Instagram
