Këngëtarja me famë ndërkombëtare, Dua Lipa, ka dhënë së fundmi një intervistë për The Sun.
Artistja shqiptare gjatë rrëfimit ka pranuar se vuan nga sindroma ‘Imposter’ apo sindroma e mashtrimit, e cila ka të bëjë me mungesën e vetëbesimit.
27-vjeçarja tutje shtoi se gjen frymëzim tek artistët apo yjet e famshëm që vuajnë ngë vetëdyshimi.
“Shumë herë frymëzohem nga artistët që kanë vetëdyshim dhe e kanë njëfarë errësire brenda vetes. Dhe më pas çuditem me veten, pse më duhet të ndiej kaq shumë dhimbje për të qenë e zonja në punën që e bëj. Nganjëherë sindroma e mashtrimit ndikon keq në mua. Veçanërisht kur jam duke shkruar këngë”, tha ajo.
Dua javën e kaluar mbylli turneun e “Future Nostalgia” me një performancë në Shqipëri, për ndër të 110 vjetorit të Pavarësisë së Shqipërisë.
