Policia e Durrësit ka vijuar me zbatimin e planit operativ “Plazhi i lirë”, duke kryer kontrolle përgjatë vijës bregdetare për lirimin e hapësirave publike të zëna pa leje nga subjektet private.
Gjatë aksioneve në lagjen nr. 15, konkretisht në plazhin e Kallmit, u konstatuan tri raste të vendosjes së paligjshme të 70 kompleve çadrash dhe shezlongësh. Policia i sekuestroi ato dhe procedoi penalisht tre shtetas: A. H., 61 vjeç, E. S., 36 vjeç dhe F. H., 64 vjeçe, të gjithë banues në Durrës.
Materialet u referuan në Prokurori dhe ndaj të dyshuarve ka nisur procedimi në gjendje të lirë për zënien e hapësirave publike pa autorizim ligjor. Aksioni vijon përgjatë gjithë vijës bregdetare në funksion të garantimit të aksesit të lirë në plazhe për qytetarët.
