Dyshohet për therje me thikë në afërsi të shkollës “Elena Gjika”

Para disa minutave dyshohet se ka ndodhur një therje me thikë në afërsi të shkollës “Elena Gjika” në Prishtinë.

Rastin për Express, e ka konfirmuar zëdhënësi i policisë, Agron Borovci.

Sipas tij i dyshuari gjendet në arrati.

Në ndërkohë i lënduari është dërguar për trajtim në QKUK.

“Rreth orës 14:30 është pranuar informata për një person i cili ka marrë lëndime nga një mjet i mprehtë. I lënduari është dërguar në QKUK për trajtimin e nevojshëm mjekësor. Policia ka dalë në vendin e ngjarjes, me ç’ rast nga informacionet e mbledhura ka identifikuar të dyshuarin e mundshëm dhe aktualisht ka nisur një hetim lidhur me rrethanat që karakterizojnë ngjarjen”, ka thënë ai.