fbpx

E bëni çdo ditë, por jo si duhet: Ndryshoni këtë lëvizje dhe forconi të pasmet

nga Revista Kosovarja

Ecja e duhur i forcon të pasmet në mënyrë më efektive sesa ushtrimet klasike. Zbuloni se si një ecje e përditshme mund ta ndryshojë trupin tuaj

Të mësuarit për të ecur siç duhet mund të ndikojë më shumë në formësimin e të pasmeve sesa orët e kaluara në palestër. Sipas ekspertes së qëndrimit, Josefina Kutscher, gjithçka varet nga një gjë: pozicionimi i saktë i legenit.

Ecja drejt një të pasme të fortë dhe të ngritur

Sezoni i rrobave të banjës, fustaneve, fundeve dhe pantallonave të shkurtra po afron, dhe bashkë me të po rritet vëmendja ndaj pjesëve të trupit që shpesh i harrojmë – të pasmet.

Në vend që të numërojmë seri të mbledhjeve dhe “urave të vitheve”, Kutscher sugjeron që së pari të kontrollojmë mënyrën se si ecim: “Ndryshimi i qëndrimit dhe ecja e duhur mund të aktivizojë muskulin që është projektuar gjenetikisht të jetë më i forti në trupin tonë – gluteusin.”

Pra, përpara se të lodheni nga ushtrimet, sigurohuni që po përdorni lëvizjen tuaj të përditshme, ecjen, si një mjet për të forcuar këtë grup kyç muskujsh, transmeton Telegrafi.

Si e forcon ecja të pasmen tuaj

Mund të tingëllojë shumë e thjeshtë për të qenë e vërtetë, por sipas Kutscher, çdo hap është një mundësi për të aktivizuar muskujt e vitheve. Fatkeqësisht, shumica prej nesh e humbasin këtë mundësi.

“Njerëzit, në mënyrë të pavetëdijshme, e shtyjnë legenin përpara kur qëndrojnë në këmbë ose ecin. Kjo i lë muskujt e vitheve pasivë, ndërsa grupet e tjera muskulore marrin përsipër lëvizjen. Kjo mund të çojë në lëndime dhe në një efekt të dobët fizik”, shpjegon ajo.

Kur legeni është vazhdimisht “i tërhequr”, të pasmet tuaja nuk kanë mundësi të bëjnë atë për të cilën janë krijuar, të jenë motori i lëvizjes dhe stabilizuesi i trupit tuaj.
Pozicioni i duhur i legenit: çelësi i një të pasme të fortë

Çështja nuk është sasia e ushtrimeve, por aktivizimi efektiv i muskujve të vitheve gjatë lëvizjeve të përditshme dhe kjo fillon me legenin.

“Kur legeni është i pozicionuar siç duhet, muskujt e vitheve janë në një pozicion mekanikisht ideal dhe aktivizohen me çdo hap.”

Mendojeni trupin tuaj si një kullë: nëse themeli (legeni) është jashtë ekuilibrit, e gjithë struktura humbet stabilitetin. Pozicioni i duhur do të thotë që legeni nuk është as i anuar përpara dhe as i tërhequr pas, por ndodhet në një pozicion neutral.

Rezultati? Ecja shndërrohet në një stërvitje natyrale që forcon vithet më mirë sesa shumë programe intensive ushtrimesh.

Kjo faqe kontrollohet dhe menaxhohet nga stafi i Revistës Kosovarja
Adresa: Rruga: “Ali Hadri”-nr.16 Prishtinë, Kosovë
REDAKSIA: +38344143448; Email: [email protected]