E DI KU TË DHEMB DRENICË

E DI KU TË DHEMB DRENICË

Kurrë nuk të lanë me çu krye
E kurrë kryet nuk ta ulën
E di ku të dhemb Drenicë
Tani në ujë a në lot deri në fyt
Notojnë legjendat e patregueme
Veshu pak orë e Zanës
se m’i shiton sytë kur të shoh
Lotët tu
janë pasqyra e nderit
Ku befas e zbulojnë veten
Ndërgjegjet e fshehta
e të qëllojnë ty nga trishtimi
Nuk ke faj ti
që Je kapitulli i parë i lirisë

Muhamet Mavraj