Policia e Kosovës, Drejtoria Rajonale e Prizrenit, është në kërkim të të dyshuarës, me inicialet N.N., e cila kërkohet për veprën penale “Falsifikim i parasë”.
Me qëllim të identifikimit të të dyshuarës, Policia kërkon ndihmë nga qytetarët.
Për të mundësuar njohjen më të lehtë dhe përcaktimin e identitetit të të dyshuarës, Policia me autorizim të Prokurorisë Themelore në Prizren, ka publikuar fotografinë e saj, si e shpallur në kërkim.
“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkëngjitur, të lajmërojë Policinë e Kosovës apo të lajmërohet në stacionin më të afërt policor“, thuhet në kërkesën e Policisë.
Numrat e telefonit dhe adresat elektronike kontaktuese për të kontaktuar Policinë e Kosovës: 192 (pa pagesë).
