209
Eksperti i komunikacionit, Nol Dedaj thotë se çdo festë të Bajramit, ndodhin aksidente me fatalitet.
Për këtë, ai thotë se duhet të ngritet niveli i menaxhimit të komunikacionit, sidomos kur ka festa, pasi qarkullimi i automjeteve është më i madh, transmeton Klankosova.tv.
“Zakonisht kur kemi festa, rritet edhe numri i qarkullimit të automjeteve. Kjo na jep një shenjë që ekziston mundësia të ndodhin aksidente shumë më të mëdha. Duhet të ngritet niveli i menaxhimit të komunikacionit, sidomos atëherë kur ka festa, apo kur ka ndonjë organizim shtetëror”.
“Nuk ka vit që në fetën e Bajramit, që nuk kemi fatalitete, dhe kjo është një fatkeqësi e madhe”, tha ai për emisionin “Ora Shtatë”.
