Këngëtarja e njohur shqiptare, Enca Haxhia, ka tërhequr sërish vëmendjen e ndjekësve të saj me një paraqitje të veçantë dhe tejet elegante.
E veshur me një fustan të gjatë rozë, me detaje të përpunuara në pjesën e përparme dhe prerje që theksojnë linjat trupore, Enca shkëlqeu në një set fotografik në ambient të hapur.
Ajo kishte kombinuar pamjen me një kapele rozë të stolisur me gurë dhe zinxhirë të varur, që i jepnin një prekje “glam western”, ndërsa flokët e gjata të lëshuara dhe grimi i sofistikuar theksonin edhe më shumë bukurinë e saj.
Stili i zgjedhur këtë herë nga Enca ishte një ndërthurje mes klasikes dhe modernes, duke treguar një anë më të sofistikuar të saj, ndryshe nga pamjet ekstravagante për të cilat ajo njihet shpesh.
Fansat e kanë vërshuar me komente pozitive në rrjetet sociale, duke e cilësuar këtë paraqitje si një nga më të bukurat e saj deri më tani.
Enca vazhdon të dëshmojë se përveç talentit muzikor, ajo ka edhe një ndjesi të mprehtë për stilin dhe modën.
