Florian Dushi reagon rreth deklaratave që po nxisin konflikte mes punëtorëve të arsimit e prindërve

Greva në arsim po vazhdon të nxisë reagime nga ana e qytetarëve dhe gjithashtu personaliteteve nga fusha të ndryshme të jetës publike.

Në lidhje me grevën dhe deklaratat që po lëshohen gjithandej, ka reaguar edhe Drejtori i Drejtorisë së Inspeksionit në komunën e Prishtinës, Florian Dushi.

“Deklaratat që po nxisin konflikte, madje edhe fizike në mes kategorive të ndryshme të shoqërisë sonë (punëtorë të arsimit, nxënës e prindër), janë tradhtia më e madhe që mund t’i bëhet një shoqërie e cila edhe në periudhat më të rënda historike të saj ka jetuar e vepruar në koordinim, mirëkuptim e solidaritet të plotë e të ndërsjellë!”.

Dushi, është një nga drejtorët më aktiv të qeverisjes së re në kryeqytet.