I zëshmi i Lidhjes Demokratike, Florian Dushi pērmes Faceboku-t të tij zyrtar, ka thënë se vendimi i Gjykatës Kushtetuese, e cila vendosi ta rrëzojë Ligjin për Këshillin Prokurorial të Kosovës, ka treguar se pushteti aktual nuk ka arritur ta përvetësojë një institucion të rëndësishëm siç është KPK-ja.
Andaj dhe tendenca me e “kap” prokurorinë e shtetit, pas sulmeve te pareshtura politike ndaj këtij organi, merr “shuplakë” / kushtetuese!
Postimi i plotë:
Ndarja e pushteteve botërisht dhe historikisht konsiderohet fitorja më e madhe e njerëzimit kundrejt regjimeve jodemokratike, diktatoriale – mohuese të lirive dhe të drejtave të njeriut.
Gjykata Kushtetuese sot, përveç tjerash ka konsideruar që përmbajtja e ligjit për Këshillin Prokurorial bie ndesh me këtë parim kushtetues.
Prandaj, nuk ka vend më për indiferencë, tendenca e kësaj kopeje primitive po duket qartë, sundimi i këtij vendi qoftë edhe duke reduktuar lirinë dhe demokracinë të cilat i kemi paguar shtrenjtë si shoqëri!
