Mëngjesi i së shtunës solli fluks në disa prej pikave kufitare të vendit, me mërgimtarët të cilët duket se po kthehen në vendet e tyre, pasi pritjet më të gjata janë në dalje.
Në pikë kalimin kufitar në Muçibabë pritjet në dalje shkojnë deri në një orë ndërsa radha e automjeteve është 800 metra. Në hyrje pritjet janë deri në 45 minuta ndërsa radha e kolonave është 100 metra.
Në pikë kalimin kufitar në Merdarë pritjet në dalje janë deri në 150 minuta, ndërsa radha e automjeteve është një kilometër. Ndërsa në hyrje radha e automjeteve është 70 metra ndërsa pritjet shkojnë deri në 10 minuta.
Në pikë kalimin kufitar Dheu i Bardhë në dalje pritjet janë 40 minuta, ndërsa radha e kolonave shkon deri në 100 metra. Në hyrje, radha është deri në 70 metra ndërsa pritjet deri në 35 minuta.
Në Jarinje pritjet në dalje shkojnë deri në dhjetë minuta, ndërsa radha e kolonave shkon deri në 50 metra. Në hyrje ju duhet të prisni më gjatë, deri në 20 minuta, ku raportohet edhe një fluks më i madh me kolonat e mjeteve që shkojnë deri në 70 metra.
Në të gjitha pikë kalimet e tjera kufitare, në dalje, pritjet nuk shkojnë më shumë se 10 minuta, ndërsa në hyrje në asnjërën prej tyre nuk raportohen vonesa.
Të dhënat janë të orës 8:00 të ditës së sotme.
