Gjendet drogë në një nga pavijonet e burgut të Dubravës

Policia e Kosovës ka njoftuar se gjatë kontrollit në një nga pavijonet në burgun e Dubravës është gjetur 6 gramë drogë.

Bazuar në njoftimin zyrtar, droga e gjetur është konfiskuar, ndërsa për rastin është njoftuar prokurori.

“Raportohet se gjatë kontrollit në njërin nga pavijonet, në gjësendet e të dyshuarit mashkull kosovar, janë gjetur dhe konfiskuar 6 gramë substancë e dyshuar narkotike e llojit marihuanë. Lidhur me rastin është njoftuar prokurori”, thuhet në njoftim.