Gjinekologu shqiptar: Ka raste kur burri dhe vjehrra shkojnë për të verifikuar virgjërinë e nuses

Gjinekologu Rustem Celami është shprehur se ka pasur raste kur burri dhe vjehrra kanë shkuar për të vërtetuar nëse nusja është e virgjër.

I ftuar në emisionin “Good Morning Albania” në “Euronews Albania”, ai theksoi se virgjëria ka të bëjë me aspektin kulturor e psikologjik.

“Ka të bëjë aspekti kulturor personal, psikologjik dhe femra do të prezantohet ndonjëherë e tillë, por ka të bëjë dhe nga trysnia kulturore fetare. Ka ardhur partneri bashkë me vjehrrën për të pyetur nëse është e virgjër ose jo, ose vjehrra dhe kunata”, tha ai.