Gruaja që vishet si burrë për t’u ndier e lirë

Veshja e rrobave për burra do të thotë liri më të madhe për këtë grua afgane.

Hukmina jeton në juglindje të Afganistanit por, shumë banorë të zonës e njohin atë si Lala, një pseudonym për një vëlla më të madh.

Për dekada, ajo është veshur si burrë duke u kënaqur me privilegjet që sjell të jesh burrë.

“Unë dua t’ju them këtë: Është një zgjedhje. Disa njerëz pëlqejnë ëmbëlsirat, disa lëngjet, disa rrobat e bardha dhe të tjerët të zeza. Më pëlqen të vesh këto rroba. E veshur në këtë mënyrë, unë mund të bëj gjithçka që dua. Unë mund të shkoj në treg dhe madje mund të ngas një biçikletë. Nëse një grua nget një biçikletë, nuk duket normale, por nëse një burrë nget një biçikletë, është mirë”, thotë ajo.