U bë I njohur nga seriali “O sa mirë”, por a e dini që Edi Kastrati, aktori që e luan gjakovarin në këtë serial është aktor profesionist që ka luajtur në shfaqje teatrale e që është drejtor i Teatrit të Gjakovës?
Edi Kastrati pse vendose të bëhesh aktor?
Nuk kam vendosur unë të bëhem aktor, atë punë mendoj se e ka vendos një forcë më e madhe se unë, unë vetëm e kam kryer një obligim (shkollën) që do ta kryente secili njeri që e ka talentin.
Si u realizua ambicia jote për të qenë aktor?
Suke ndjekur hapat e nevojshëm që të bëhesha aktor.
Ke studiuar në Tiranë apo Prishtinë?
Në Prishtinë dhe kam qenë student në klasën e profesor Enver Petrovcit me asistent Premtim Plakollin dhe Xhejlane Godanci.
Eksperiencat tua më të vlefshme në teatër, film, seri, tv…?
Eksperiencat janë të shumta, prej më të ndryshmëve. Pjesëmarrje në shfaqje teatrale, në Tv dhe seriale. Të gjitha përvoja interesante dhe ndryshe nga njëra tjetra. Eksperienca më e bukur është padyshim në “O sa mirë”.
Shfaqja që të dha dhe nga e cila more më së shumti?
Secila shfaqje të jep diçka të re. E fundit me ka dhënë ato që i kam më të freskëta. E kam fjalën për shfaqjen “Dorëzimi në Spokan” me regji të Ilir Bokshit.
Një post i rëndësishëm në moshë të re – drejtor i Teatrit të Gjakovës. Si u bë?
Po, me të vërtetë posti është tepër i rëndësishëm, e sidomos në qytetin e Gjakovës ku dihet se Teatri është institucioni ndoshta prej më të rëndësishmëve. Si u bë? Me hapjen e konkursit publik në vitin 2010 vendosa të hartoj një plan program se si unë e mendoja menaxhimin e atijë institucioni, ku rezultojë si më i suksesshmi. Edhe në testin praktik isha I pari dhe startova prej vitit 2011.
Çka e bënë një drejtor – drejtor të mirë?
Nje drejtor e bën të mirë një gjë, e që është mos reagimi si drejtor. Duhet punuar shumë me një modesti të matur.
A ke diçka të ngjashme me Arbnorin?
Asgjë. Jemi tipa të kundërt.
Po gjakovaret tipik a janë si Arbnori?
Nuk janë. Arbnori është pak i ekzagjeruar.
A je lokalist dhe a ke “alergji” ndaj katundarëve?
Nuk jam alergjik dhe nuk e besoj që ekziston ajo lloj alergjie. Nuk jam as lokalist.
Cila është jeta jote private?
E njejtë sikurse pyetja, dmth private.
Çka të pëlqen tjetër pos aktrimit?
Arti në përgjithësi, por edhe sporti.
A është ushqimi yt i preferuar ajvari, suxhuku e këto, apo…?
Jo nuk janë. Më pëlqejnë shumë, mirëpo ushqimi im i preferuar është ushqimi i detit.
Po gjakovarëve tu ndonjë porosi?
Gjakovarëve të mi do tu thoja ti ndjekin hapat e gjithë atyre që kanë lënë gjurmë në shtetndertim dhe në gjitha kontributet arsimore, kulturore etj.
Një përgjigje pa pyetje?
Përgjigja pa pyetje është përgjigje e rrezikshme, sepse asnjëherë nuk duhet të ngutemi,se kush ngutet ….
