12
Humanisti i njohur Halil Kastrati do të marrë pjesë në Haxhin e këtij viti, duke iu bashkuar besimtarëve nga mbarë bota në udhëtimin e shenjtë në Mekë.
Lajmin e ka bërë të ditur vetë Kastrati përmes një postimi në rrjetet sociale, ku ka ndarë kartelën identifikuese të Haxhit 2025, të lëshuar nga Bashkësia Islame e Kosovës. “Falënderimi të takon vetëm Ty o Zot”, ka shkruar ai, duke shprehur mirënjohje dhe emocion për këtë moment të rëndësishëm shpirtëror.
Halil Kastrati është i njohur për punën e tij bamirëse dhe ndihmën e pakursyer ndaj familjeve në nevojë në Kosovë dhe rajon.
Pjesëmarrja e tij në Haxh pritet të jetë një tjetër kapitull i rëndësishëm në rrugëtimin e tij shpirtëror dhe humanitar.
