Veprimtari dhe biznesmeni shqiptaro-amerikan Harry Bajraktari ka shkruar për “nëntë njohje de facto për Kosovën”, teksa ka komentuar pjesëmarrjen e Kosovës me shtetet e tjera mosnjohëse në Bordin e Paqes.
“Nëntë njohje de facto për Kosovën. Shtetet që ende nuk e njohin pavarësinë e Republikës së Kosovës — Argjentina, Armenia, Azerbajxhani, Indonezia, Kazakistani, Paraguai, Uzbekistani, Mongolia dhe Maroku — tani ulen si të BARABARTË me Republikën e Kosovës në prestigjiozin Bord të Paqes të Presidentit Trump”, shkroi ai në X.
Bajraktari thotë se “duke iu bashkuar këtij forumi elitar të kryesuar nga presidenti amerikan Donald Trump, ata e kanë pranuar de facto shtetësinë e Kosovës”.
“Tani është koha që kjo të bëhet zyrtare – u bëj thirrje udhëheqësve të tyre ta njohin Kosovën MENJËHERË. I bëj thirrje Presidentes Vjosa Osmani që të kontaktojë drejtpërdrejt secilin prej këtyre krerëve të shteteve për të siguruar njohje të plotë diplomatike”.
🇽🇰Nine de-facto recognitions for Kosovo 🇽🇰
Countries that still do not recognize the independence of Republic of Kosovo—Argentina, Armenia, Azerbaijan, Indonesia, Kazakhstan, Paraguay, Uzbekistan, Mongolia and Morocco—now sit as EQUALS with the Republic of Kosovo on President… pic.twitter.com/60Jnponiiy
— Harry Bajraktari (@HarryBajraktari) January 24, 2026
