Mbesa e Perandorit Japonez Naruhito, ish-Princesha Mako, e cila hoqi dorë nga titulli dhe privilegjet e Shtëpisë Perandorake të Krizantemës për shkak të dashurisë për bashkëshortin e saj, njeriun e thjeshtë Kei Komura, është bërë nënë.
Lajmi u konfirmua nga zyrtarët e pallatit në Tokio, të cilët thanë se si nëna ashtu edhe foshnja janë mirë, por nuk zbuluan se kur lindi foshnja apo gjininë e fëmijës, raporton AP, transmeton Indeksonline.
Mako dhe Kei u takuan në vitin 2013, kur të dy ishin studentë në Universitetin Ndërkombëtar të Krishterë pranë Tokios, ku ajo studioi art dhe trashëgimi kulturore.
Më pas ajo vazhdoi të punonte në Muzeun e Universitetit të Tokios. Ajo gjithashtu studioi histori arti në Universitetin e Edinburgut në Skoci dhe mori një diplomë master në studime muzeale dhe galerish nga Universiteti i Leicester në Angli në vitin 2016, raporton People.
