I shpërthen bombola duke e montuar, një burrë nga Prishtina pëson lëndime trupore

Policia e Kosovës ka bërë të ditur se një person ka raportuar se derisa ishte duke montuar një bombolë, e njëjta ka filluar të digjet dhe ka shpërthyer.

Rasti ka ndodhur në rrugën “Muharrem Fejza” në Prishtinë, të enjten në ora 10:19.

“Ankuesi mashkull kosovar ka raportuar se derisa ka qenë duke e montuar një bombolë, e njëjta ka filluar të digjet dhe ka shpërthyer. Si pasojë një mashkull kosovar ka pësuar lëndime trupore dhe i njëjti ka pranuar tretman mjekësor”, thuhet në raport.

Lidhur me rastin është njoftuar prokurori, ndërsa rasti shkon në procedurë të rregullt.