Irani reagoi ndaj deklaratave të Presidentit amerikan Donald Trump, i cili tha se e shpëtoi ai Ajatollahun e tyre.
“Nëse Presidenti i SHBA-së është i sinqertë në lidhje me dëshirën për një marrëveshje bërthamore me Iranin, ai duhet të lërë mënjanë tonin e papranueshëm dhe të parespektueshëm ndaj Udhëheqësit Suprem Ajatollah Ali Khamenei dhe të ndalojë së lënduari miliona ndjekës të tij të përzemërt“, tha ministri i Jashtëm, Abbas Araqchi në një postim në X të shtunën, shkruan A2.
Postimi gjithashtu dukej se i referohej një komenti nga Sekretari i Përgjithshëm i NATO-s, Mark Rutte, që e quajti Trumpin “babai” që ndërhyri në një përleshje mes fëmijëve.
“Regjimi izraelit nuk kishte zgjidhje tjetër veçse të vraponte te “Babi” për të shmangur rrëzimin nga raketat tona”, shkroi ministri i Jashtëm iranian.
