Ministrja e Punëve të Jashtme, Meliza Haradinaj-Stublla, ka zhvilluar një bisedë telefonike me ministrin e Jashtëm nga Estonia, Urmas Reinsalu.
Shteti estonez ka konfirmuar se do të jetë pro liberalizimit të vizave për Kosovën.
“Zhvillova një bisedë telefonike me ministrin e Jashtëm nga Estonia, Urmas Reinsalu.
Me homologun estonez theksuam nevojën për thellimin e marrëdhënieve tona dypalëshe dhe zgjerimin e gamës së bashkëpunimit ekonomik.
Z.Reinsalu ma konfirmoi që Estonia si shtet anëtar i BE-së do të vazhdojë të jetë zë i fuqishëm pro liberalizimit të vizave dhe integrimit evroatlantik të Kosovës”, shkruan Haradinaj-Stublla në njoftim.
Dy ditë më parë një konfirmim të tillë e ka dhënë edhe Çekia pas bisedës që Haradinaj-Stublla e kishte me kryediplomatin çek./Indeksonline/
