Kantautori i njohur italian Fabio Concato ka bërë publike gjendjen e tij shëndetësore, duke njoftuar se po përballet me një diagnozë kanceri.
Kantautori i njohur italian Fabio Concato ka bërë publike gjendjen e tij shëndetësore, duke njoftuar se po përballet me një diagnozë kanceri.
Lajmi u konfirmua nga vetë artisti 72-vjeçar përmes një postimi në rrjetet sociale, pas ndërprerjes së papritur të koncerteve në fund të muajit qershor.
“Të dashur miq, dua t’ju njoftoj se u detyrova të anuloja koncertet e mia në fund të qershorit për shkak të kancerit”, shkroi Concato. “Po i nënshtrohem trajtimit me shumë vetëbesim dhe jam shumë i qetë. Do t’ju informoj sa më shpejt të jetë e mundur. Ndërkohë, jam jashtëzakonisht mirënjohës për të gjithë ata që më kanë shkruar duke shprehur shqetësimin dhe dashurinë e tyre. Do të jem në kontakt së shpejti dhe ju dërgoj një përqafim të madh”.
Muajin e kaluar, Concato kishte anuluar të gjitha koncertet e planifikuara për korrik dhe gusht, duke deklaruar se vendimi ishte marrë për arsye shëndetësore dhe nevojë për kontrolle mjekësore të vazhdueshme.
